Категорија: Шпанија 07.06.2021 21:58
Се’ поизвесно е дека Џини Вајналдум ќе се пресели во редовите на ПСЖ, иако Барселона подолг период се поврзуваше со ангажман на Холанѓанецот, меѓутоа на крајот Каталонците веројатно извисија, а сега го пренасочија вниманието кон Лоренцо Пелегрини од Рома.
Се верува дека ситуацијата со Вајналдум излезе како изненадување за Каталонците, тој наводно го променил своето мислење по новата понуда која ја добил од ПСЖ, а „Скај Спорт Италија“ извести дека фудбалерот од средниот ред ќе потпише договор со францускиот вицепрвак со важност до 2024 година.
Како и да е, „Диарио“ наведува дека алтернативната опција за Вајналдум во Барселона ја гледаат во Пелегрини, кој инаку има откупна клаузула во висина од 30 милиони евра во својот договор со „Римската волчица“.