Категорија: Шпанија 07.06.2021 13:12
Претседателот на францускиот вицепрвак ПСЖ, Насер Ал-Келаифи откри за јавноста дека постои контакт со првата ѕвезда на Барселона, Лионел Меси, за ангажман на Аргентинецот, меѓутоа додаде и дека Каталонците постојано се обидувале да го вратат назад во тимот Нејмар.
„Му реков на Лапорта дека Меси е кон крајот на својот договор, како и тоа дека сите клубови имаат право да разговараат со него“ изјави тој за „Л’Екип“.
„Сите големи фудбалери сакаат да дојдат во ПСЖ, а јас тоа го велам за работите да бидат јасни за сите, не само да коментирам околу Меси“ додаде тој, а потоа нагласи и дека Каталонците постојано сакале да го вратат Нејмар.
„Барселона секогаш посакуваше да го врати Нејмар назад во тимот, меѓутоа дали Нејмар го сакаше истото? Не“ заклучи тој.