Категорија: Шпанија 04.06.2021 11:59
Атлетико Мадрид веќе крои планови за тоа каков ќе биде ликот на тимот за новата сезона, во која влегуваат како бранители на шампионската титула во Примера, а „Јорганџиите“ веруваат дека во зацртаните цели би можел да им помогне Бернардо Силва од Манчестер Сити.
Манчестер Сити сериозно е заинтересиран за Џек Грилиш од Астон Вила, како и Хари Кејн од Тотнем, но за тоа да се реализира потребно е да се продадат неколку фудбалери, меѓу кои и Силва.
Се верува дека со продажбата на Португалецот би можело да се отвори голем простор за Грилиш, а „Франс Фудбал“ пишува дека Атлетико Мадрид е сериозно заинтересиран за услугите на 26 годишниот офанзивец кој немаше стандардно место во составот на „Граѓаните“.
Дека работите во Манчестер Сити се движат во погрешна насока за Силва, доволно говори и статистиката која вели дека во сезоната 2019/20 тој стартувал на 23 меча во Премиерлигата, а настапил речиси на сите 38, а во изминатата стартуваше на 24, а вкупно настапи на само 26 меча.
Силва изминатата сезона ја одбележа со 2 погодоци и шест асистенции во освоената титула на Манчестер Сити во Премиерлигата.