Категорија: Лига на Шампиони 29.05.2021 23:32
Со гол на Хаверц пред крајот на првото полувреме Челси со 1-0 го победи Манчестер Сити и ја освои титулата во Лигата на шампионите.
Германецот не ја почна најдобро сезоната, но таа за него имаше крај од соништата. Тој откако почнал да тренира сонувал за ваков момент.
„Чувството е неверојатно. Долго време чекав ваков момент и сега го направив тоа. Работев 15 години иза ваков момент, сега сум многу среќен“, кратко изјави Хаверц пред да тргне да го прими шампионскиот медал.
Пофалби за Хаверц стигнаа и од капитенот, Аспиликуета.
„Тој го засалужи тоа, тешка сезона, но тој има врвен менталитет. Хаверц ќе биде ѕвезда, веќе е, тој ја освои Лигата на шампионите“, изјави Аспиликуета.