Категорија: Италија 14.05.2021 15:40
Последните две кола од Серија А ќе ја решаваат иднината на Хакан Чалханоглу, кој ги одработува последните месеци од договорот.
Турчинот има понуда од Јувентус за плата од 5 милиони евра по сезона и „старата дама“ се обидува да го убеди за преселба во Торино.
Милан во моментов на маса има ставено плата од 4 милиони евра, но тоа може да се промени доколку биде обезбеден топ 4 пласман. Настап во Лигата на шампиони ќе донесе многу повеќе пари во буџетот, па Малдини ќе може на Хакан Чалханоглу да му достави нова подобра понуда.