Поранешниот селектор на нашата најдобра фудбалска репрезентација Чедомир Јаневски ќе му биде прв помошник на новиот селектор на Јужна Африка, Хуго Брос, а тоа го потврди и самиот Белгиец кој нагласи дека нема да има никаков проблем со комуникацијата, а детално го опиша својот соработник.

„Мојот белгиски асистент не е тука во моментов бидејќи се уште работи на Кипар, тој остана во тимот бидејќи идната недела го очекува финале во купот, потоа ќе биде тука и ќе ми биде на располагање за претстојните два натпревари во јуни“ изјави Брос кој потпиша петгодишен договор со Јужна Африка.

„Неговото име е Чедо Јаневски, тој е од Македонија но живееше 25 или 30 години во Белгија, настапуваше за Бриж, неговата сопруга е Белгијка, така тој е Белгиец, говори англиски, француски, како и холандски јазик, со тоа не би имало никаков проблем околу комуникацијата“ додаде новиот селектор на „Бофана Бофана“.

„Со Јаневски се познаваме долго време, среќен сум што е постигнат договор со него, од тоа што го знам ќе ни се приклучи од идната седмица“ подвлече Брос.