Категорија: Германија 12.05.2021 17:16
Името на Ерлинг Халанд во последно време често е дел од трансфер шпекулациите, Норвежанецот се поврзува со Реал Мадрид, Барселона, Манчестер Сити, Манчестер јунајтед и Челси.
Борусија Дортмунд сепак не размислува за продажба и ваквиот став уште еднаш го потврди генералниот извршен директор, Ханс Јоаким Вацке.
„Очекувам Ерлинг Халанд да игра за нас следната година, не сум загрижен за ништо“ - вели Вацке во разговор со Билд.
„Релаксиран сум. Никој не ни веруваше кога минатото лето велевме дека Џејдон Санчо ќе остане, а фудбалерот и ден денес е со нас“.
Агентот на напаѓачот, Мино Рајола минатиот месец беше во Шпанија на средба со Реал Мадрид и Барселона.
„Како прво, однапред не информираше за ова. Како второ, јасно е дека еден ден Ерлинг Халанд ќе замине, само тоа нема да се случи во блиска иднина. А и добро знаеме како работи Мино Рајола, дека овие патување се еден начи на самопромовирање“.