Категорија: Германија 09.05.2021 09:04
Роберт Левандовски е многу блиску до испишување нова историја во Бундеслигата, Полјакот синоќа три пати ја тресеше мрежата на Борусија Менхенгладбах во победата од 6-0, па сега сериозно атакува на рекордот на Герд Милер.
Популарниот „бомбардер“ во сезоната 1971/72 постигна 40 погодоци во Бундеслигата, најмногу во една сезона и рекорд кој изгледаше недостижен.
Но речиси 50 години подоцна, Роберт Левандовски е на прагот до овој успех, напаѓачот на Баерн Минхен со синоќешните три погодоци стигна до бројката од 39 погодоци оваа сезона и има два натпревари за нова историја.
„Ќе продолжам да притискам на педалата за гас. Благодарен сум им на соиграчите што постојано ме снабдуваат со шанси за гол“ – рече Роберт Левандовски по крајот на натпреварот со Борусија Менхенгладбах.