Жозе Мурињо пред некој ден изјави дека е професионалец и дека нема да размислува двапати доколку добие понуда од ривал на Интер. Португалецот остана доследен на зборот па следната сезона одново ќе биде дел од Калчото.

Рома попладнево соопшти дека е подадена рака со Жозе Мурињос за „специјалниот“ да го превземе кормилото на тимот. Тој ќе стави потпис на тригодишен договор и ќе се обврзе кон „волчицата“ до јуни 2024 година.

„Задоволни сме што можеме да му посакаме добредојде на Жозе Мурињо. Се работи за голем шампион кој освојуваше трофеи секаде каде што работел. Жозе ќе донесе големо искуство и лидерство на нашиот амбициозен проект. Назначувањето на Жозе за нов тренер е чекор напред кон изградба на победничка култура во клубот“ – рече претседателот Ден Фридкин.

Жозе Мурињо за својата нова авантура вели: „Сакам да му се заблагодарам на семејството Фридрик што ме одбраа мене да го водам овој голем клуб и да бидам дел од нивната визија“.

„По состанокот со сопствениците и Тиаго Пинто, веднаш разбрав какви се амбициите на Рома. Се работи за истата амбиција која ме мотивираше во текот на целата кариера, па заедно сакаме да изградиме победнички проект“.

„Неверојатната пасија на фановите на Рома ме убеди да ја прифатам оваа работа и со нетрпение го чекам стартот на новата сезона. Во меѓувреме, сакам да му посакам се најдобро на Пауло Фонсека“.

The club are delighted to announce an agreement has been reached with Jose Mourinho for him to become our new head coach ahead of the 2021-22 season.
#ASRoma pic.twitter.com/f5YGGIVFJp

— AS Roma English (@ASRomaEN) May 4, 2021