Иднината на Роберт Левандовски е актуелна во последните неколку дена откако Скај Германија објави дека неколку гиганти пројавиле интерес за услугите на Полјакот а пристигнала и една конкретна понуда до Баерн Минхен.

Последните информации велат дека агентот на напаѓачот, Пини Захави стапил во контакт со раководството на „баварците“ и прашал какви се намерите. Експресно му било одговорено дека нема шанси Роберт Левандовски да биде продаден.

Но со оглед на тоа дека голгетерот наскоро ќе наполни 33 години, ова му е последна шанса за нов богат договор, па Пини Захави не седи мирен.

Агентот сака по крајот на сезоната да седне на разговори со раководството на Баерн и да одлучат како понатаму, или Роберт Левандовски ќе направи трансфер или „баварците“ на маса ќе мора да стават нов богат договор.

Во меѓувреме, АС објави дека Роберт Левандовски одново е на агендата на Реал Мадрид и „кралевите“ внимателно ја следат ситуацијата на напаѓачот.