Најдобрата женска фудбалска репрезентација на Македонија ги дозна противниците за квалификациите за Светското првенство за 2023 година, кои ќе стартуваат на крајот од актуелната година.
Категорија: Македонија 30.04.2021 19:39
Нашите фудбалерки се најдоа во квалификациската група „Д“ во друштво на селекциите на Англија, Австрија, Северна Ирска, Летонија и Луксембург.
Директен пласман на Мундијалот во Австралија и Нов Зеланд обезбедуваат само првопласираните репрезентации од сите групи, додека второпласираните пак предвидено е да играат бараж, кој пак е предвиден да се одржи во октомври идната година.
Во квалификациите инаку учество ќе земат рекордна бројка од 51 репрезентација, поделени во шест групи од по шест тимови, а квалификациите стартуваат од септември годинава, а завршуваат истиот период идната година, по што ќе следи плејоф рундата.