Категорија: Лига на Шампиони 29.04.2021 16:17
ПСЖ иако имаше водство против Манчестер Сити од 1-0, сепак на крајот загуби со 1-2, и со тој негативен резултат ќе патува на реваншот на Островот во полуфиналето од Лигата на шампионите.
Ѕвездата на ПСЖ, Килијан Мбапе доби оценка 3/10 од „Л’Екип“ за неговите перформанси против „Граѓаните“, а тоа е воедно најниската оценка општо од сите фудбалери на синоќешниот меч која ја додели францускиот весник.
22 годишниот напаѓач беше неверојатно добар претходниот двомеч против Баерн Минхен во четвртфиналето, меѓутоа против Манчестер Сити не успеа да регистрира ниту еден обид кон противничкиот гол.
Мбапе синоќа беше толку очаен на теренот што дури запиша и помалку допири со топката (30) од голманот на „Граѓаните“, Едерсон (31).
Најдобрите перформанси на мечот во Париз според оценките на весникот инаку добија Маркињос кај домаќините со 7/10, односно Де Брујне и Марез идентично кај Манчестер Сити.