Категорија: Македонија 21.04.2021 23:44
Горан Пандев денеска даде два гола во ремито меѓу Џенова и Беневенто од 2-2. Нашиот фудбалер со овие погодоци дојде до 100 гола во Серија А.
„Среќен сум и не очекував дека ќе дадам толку многу голови бидејќи не играм на позиција прв напаѓач. Многу сум среќен, бидејќи овој рекорд го постигнав во дресот на најстариот тим во Италија“, изјави Пандев по мечот.
„Но ова се мечеви кои треба да ги побоедуваме. Двапати израмнувавме, мислев дека ќе победме, но Беневенто се бранеше добро. Се уште не сме безбедни, сега треба да ги наполниме батериите и во сабота имаме нова битка за опстанок“.
Што се однесува до иднината, Пандев се уште не е сигурен дека ќе се пензионира.
„Не знам, сега е најважно да обезбедиме опстанок, потоа ќе зборувам со претседателот и директорот. Мојата идеја е да се пензионирам по крајот на Европското првенство, но физички сум добар. Ќе видиме по крајот на ЕП“.