Иако првичните најави беа дека УЕФА нема да бара задолжителна вакцинација за ЕП, сепак последните информации велат дека во Нион се предомислуваат и сериозно ја разгледуваат можноста за промена на тој став.

УЕФА сака да ја елиминира можноста некој за време на ЕП да се зарази со коронавирус и да го продолжи ширењето во соблекувалната на соиграчите.

Ваквиот став доаѓа по случајот со Де Роси кој му е помошник на Манчини во италијанската репрезентација. Тој се зарази за време на тренинг-ап заедно со уште тројца членови на стручниот штаб, а дури осум фудбалери имале позитивни тестови.

Де Роси сега е во болница, под лекарски надзор отако му се влошила ситуацијата. Неговата состојба е добра, но треба да помине уште некое време таму.

Се очекува во наредните денови УЕФА да ја донесе конечната одлука бидејќи процесот на вакцинација е бавен. Потребна е прва вакцина, втора вакцина, па да помине одреден период за да се стекне имунизација.