Возбудливо дерби одиграа Тотнем и Манчестер јунајтед, со четири гола, контроверзни моменти, шанси и една статива.

Возбудувањата почнаа во 35. минута кога Кавани постигна гол, но судијата му го поништи поради претходен прекршок на Мектоминеј над Сон. Сомнитлна ситуација.

Пет минути подоцна по една убава акција, Сон даде гол за водство на Тотнем од 1-0. Со тој резултат се замина на полувремето.

Во 57. минута Манчестер јунајтед изедначи, Кавани шутираше, Лорис одбрани, топката дојде до Фред кој погоди за израмнување на 1-1.

Во 79. минута по асистенција од Бруно Фернандеш, Кавани постигна гол за комплетен пресврт и водство од 2-1.

Малку фалеше Тотнем да израмни со автогол на Кавани, Уругваецот ја погоди стативата од својот гол.

Пред последниот свиреж на судијата, Гринвуд погоди во 96. минута и ги постави конечните 3-1.

Со овој пораз на седум кола до крајот се чини декка Тотнем ги загуби шансите за пласман во топ четири. Во моментов се на седмата позиција со шест бода помалку од четвртопласираниот Вест Хем.