УЕФА денеска потврди дека осум од 12 градови дале гаранции дека Европското првенство на нивните стадиони ќе се одржи со минимум 25 проценти публика, меѓу нив се Букурешт и Амстердам каде ќе игра нашата репрезентација.
Категорија: Македонија 09.04.2021 19:49
Претходно Романија и Холандија потврдија дека Букурешт и Амстердам ќе имаат публика, а сега таа информација официјално ја потврди и УЕФА.
Конкретно за Букурешт и Амстердам, УЕФА информира дека тие градови потврдиле дека ќе можат да дозволат публика од 25 до 33 проценти од капацитетот на стадионите со можност до крајот на месецот да пријават и поголем капацитет во зависност од ситуацијата со пандемијата од коронавирус.
Четирите градови кои немаат дадено гаранции за прсуство на публика се Минхен, Рим, Билбао и Даблин. УЕФА им дала рок тоа да го направат до 19. април.
Билетите ќе бидат пуштени во продажба на почетокот од мај.