Категорија: Лига Европа 11.03.2021 23:08
Динамо Загреб на нашите Аријан Адеми и Стефан Ристовски се враќа од Лондон со два негатива, вечерва Тотнем славеше со 2-0 во првиот натпревар од четвртфиналето во Лига Европа.
Мечот го одбележа Хари Кејн со два гола. Напаѓачот го отвори резултатот во 25. минута, откако се најде на право место во право време и откако Ламела ја погоди стативата, ја смести топката во мрежата.
Вториот погодок исто така падна во 25. минута од вториот дел, одбраната на Динамо лошо расчисти една топка, Кејн си направи простори и биеше по земја за 2-0.
На останатите натпревари од 21 часот, Рома со 3-0 ја доби пресметката против Шахтар, Арсенал со 1-3 славеше на гостувањето кај Олимпијакос а Гранада со 2-0 го совлада Молде.