Дербито помеѓу Атлетико и Реал беше прилично мирно, но имаше еден контроверзен момент, Фелипе играше со рака во сопствениот шеснаесетник.

Судијата ја прегледуваше целата ситуација на мониторот крај теренот но одлучи дека нема доволно елементи за најстрога казна.

Секако, одлуката не им се допадна на фудбалерите на Реал Мадрид, кои имаа што да кажат. Токму ова беше причина за мала конфронтација помеѓу Луис Суарез и Лукас Вазкез.

Кога двајцата се упатија кон соблекувалната, Луис Суарез му рече на Лукас Вазкез, „Ти ли најде да се жалиш, заборавaш како ја освоивте титулата лани?“

Уругваецот очигледно не ја заборава минатата сезона кога Барселона ја загуби предноста на табелата и титулата по ре-стартот на Ла Лига а „каталонците“ сметаа дека се оштетени откако многу одлуки со ВАР беа во корист на Реал Мадрид.