Наполи со 3-1 ја победи Болоња и со што ги одржа шансите за пласман меѓу четирите најдобри екипи кои ќе одат во Лигата на шампионите, Елмас ги одигра последните десетина минути.
Категорија: Италија 07.03.2021 22:49
Натпреварот почна одлично за Наполи, Инсиње погоди уште во осмата минута за водство од 1-0.
Во 65. минута Осимен даде гол по само десетина минути откако влезе во игра. Сориано во 73. минута намали на 2-1 и ја врати Болоња во игра.
Но во 76. минута Инсиње искористи една грешка на гостите и со својот втор гол на мечот ги постави конечните 3-1.
Елиф Елмас во игра влезе во 79. минута од натпреварот.