Се верува дека Реал Мадрид е фаворит за потписот на репрезентативецот на Хрватска, а интерес за услугите на Лука Модриќ пројавуваат и Челзи, Манчестер Јунајтед и ПСЖ.

Андре Вилаш Боаш уште еднаш потврди дека се водат преговори за иднината на плејмејкерот, и нагласи дека Модриќ ќе замине само за вистинската цена.

Зборувајќи по вчерашниот пријателски натпревар против Стивенејџ, Португалецот рече: “Ситуацијата останува иста.”

“Три клуба во континуитет пројавуваат интерес. Но важно е да бидат задоволени интересите на Тотенхем.”

“Ситуацијата нема да се промени се додека не добиеме соодветна понуда и права цена.”

“Разговаравме со него на оваа тема, ја разбирам неговата желба, а и тој го разбира нашиот став.”

“До сега не пристигнала понуда што ги задоволува барањата на клубот и претседателот.”

“Доколку пристигне соодветна понуда, нема да има проблеми.”

Медиумите од Англија пренесуваат дека ’Спарси’ бараат 35 милиони фунти (околу 45 милиони евра) за услугите на хрватскиот репрезентативец.