Ливерпул пред неколку недели можеше да се пофали со серија од 68 натпревари без пораз на Енфилд. Но избраниците на Клоп влегоа во лоша серија и сега уриваат негативни рекорди.

За прв пат во својата историја, „црвените“ имаат пет порази по ред дома откако вечерва загубија од Челси.

„Сините“ си заминаа од Енфилд со 0-1 и три бода, творец на победата беше Мејсон Маунт. Во финишот на првиот дел, Англичанецот прими топка на работ од шеснаесетникот, си нарави простор покрај Фабињо и прецизно пласираше покрај десната статива за 0-1.

Ливерпул во продолжението од мечот очјано се обидуваше да се врати во игра, но ниту еднаш не го стави Менди на тест. За тоа колку беа лоши избраниците на Клоп говори податокот дека упатија само еден шут во рамките на голот.