Често се пишува за иднината на Килијан Мбапе, напаѓачот е под договор со ПСЖ до јуни 2022, преговорите за продолжување на соработката тапкаат во место и доколку не биде постигнат компромис, „светците“ ќе мора да го продадат летоска.

Реал Мадрид се посочува како прв фаворит за неговиот потпис но новинарот Данкан Касл вели дека има уште неколку клубови во игра.

„Во следната етапа од својата кариера, Килијан Мбапе сака да игра во Премиерлигата или во Ла Лига. Моите извори велат дека преферира да игра за Ливерпул доколку се пресели во Премиерлигата. Му се допаѓа Манчестер јунајтед како клуб, но преферира да работи под водство на Јирген Клоп и да игра за Ливерпул“ - вели Касл.

„Што се однесува до Ла Лига, опции се Барселона и Реал Мадрид. Барса има многу финансиски проблеми и зделката воопшто не е лесна, а Реал се обидува да го ангажира уште од времето кога беше играч на Монако“.