„Граѓаните“ имаат серија од 19 победи во сите натпреварувања, па по триумфот против Борусија Менхенгладбах, Пеп Гвардиола беше запрашан која е тајната на успехот.

Шпанецот изненади со одговорот и рече дека имаат многу пари и можат да купат кого сакаат.

Многумина веруваа дека изјавата е саркастична, но Пеп Гвардиола и денеска го повтори истото, парите се причина за успехот.

„За да ги забележиме успесите кои Манчестер Сити ги забележа во последните четири години, многу победи и многу трофеи, морате да имате топ фудбалери. Можете да освоите една титула со просечни фудбалери, но за освоите многу титули, треба да имате топ фудбалери и топ фудбалерите чинат многу пари“ - вели тренерот на Мачестер Сити.

„Па не бев саркастичен, ја кажав само вистината“.

„Кога Манчестер јунајтед победуваше и доминираше, тоа беше така бидејќи трошеше повеќе од ривалите. Истото важи и за Барса и за Реал Мадрид“.

„Мислам дека не правиме ништо поразлично од останатите големи клубови“.