Категорија: Лига на Шампиони 24.02.2021 18:48
Баерн Минхен оди по стапките по кои сите очекуваа да оди, синоќа германскиот првак славеше убедлива победа во Рим против Лацио со 1-4, а со тоа практично со една нога е веќе во четвртфиналето од Лигата на шампионите.
Дека работите функционираат беспрекорно во составот на Ханси Флик доволно говори и еден детал од средбата, каде капитенот Мануел Нојер ја „построи“ ѕвездата Роберт Левандовски, повикувајќи го да се врати при корнерот на домаќините, овој го послуша, и не само тоа – туку и му аплаудираше.