Диого Жота полека но сигурно се враќа на располагање на Јирген Клоп, откако Португалецот успешно ја помина рехабилитационата фаза, а ги одработи и полесните тренинзи, со што се верува дека ќе му биде на располагање на Клоп за гостувањето кај Шефилд Јунајтед претстојниов викенд.

На Островот наведуваат дека по два и пол месечна пауза, Жота конечно би можел да се врати на терените, а уште оваа седмица ќе започне со целосни тренинзи за Ливерпул, што е добра вест за „Редсите“ кои никако да ги решат проблемите со повредите, откако последниот во низата е Џордан Хендерсон.

Жота се повреди во ремито против Митјиланд со 1-1 во Лигата на шампионите, од тогаш па наваму пропушти дури 17 натпревари во сите конкуренции, а „Редсите“ добија само шест од тие пресметки, а дури седум порази.