Категорија: Лига на Шампиони 17.02.2021 00:03
Килијан Мбапе е во преговори со ПСЖ за нов договор и се верува дека Французнот бара гаранции дека „светците“ во иднина ќе имаат тим за највисоки дострели, односно триумф во Лигата на шампионите.
Вечерва ПСЖ покажа дека може да се надигрува со најголемите во Европа, одигра брилијантно против Барселона и славеше со 1-4 на Камп Ноу. По одличната партија на „светците“, Килијан Мбапе беше запрашан за иднината.
„Би било глупаво на основа на еден меч да донесам одлука за мојата иднина. Треба да се мисли на долг план. Секогаш сум велел дека сум среќен тука, го ценам многу дресот на ПСЖ, овој клуб ми е при срце“ - рече напаѓачот, кој три пати ја тресеше мрежата на Тер Штеген.