Категорија: Германија 15.02.2021 22:40
Возбудлив натпревар во Минхен со шест погодоци, Баерн се спасуваше од пораз во првиот натпревар како светски шампион.
По враќањето од Катар и триумфот на Светското клупско првенство, избраниците на Ханси Флик одиграа реми против Арминија Билефелд.
Гостите одлично го отворија мечот Влап донесе водство во 9. минута а Пипер зголеми на 0-2 по еден корнер во 37. минута.
На стартот од вториот дел, Левандовски намали на 1-2, но веќе следниот напад Гебауер реализираше за 1-3.
Толисо во 57. минута со глава ја затресе мрежата на Арминија, домаќините потоа силно притиснаа и изедначија во 70. минута. Гостите лошо расчистија една топка а Дејвис прецизно погоди крај стативата за 3-3.
Левандоски пропушти голема шанса веднаш да направи комлетен пресврт, а на спротивната страна Кордова го совлада Нојер за 3-4 но голот беше поништен поради офсајд, па бодовите беа поделени.