Категорија: Англија 26.01.2021 06:54
Во 2011 година Андре Вилаш Боаш седна на клупата на Челси, но во март 2012 година доби отказ. Се пишуваше и дека дел од фудбалерите намерно играат лошо сакајќи Португалецот да добие отказ.
Тогаш Лампард како еден од клучните играчи на Челси го негираше тоа, но рече дека можеби Вилаш Боаш е премлад за работата и таа му е дадена прерано.
„Фудбалерите немаат удел во неговото отпуштање, тој ги одигра своите карти и не функционираше. Можеби беше премлад и можеби оваа работа дојде прерано за него“, изјави тогаш Лампард.
Истите овие зборови кои тогаш ги кажа Лампард како фудбалер, сега може да се пресликаат и за неговиот отказ, изгледа како кармата да го удри англискиот стратег.