Категорија: Шпанија 20.01.2021 22:05
Договорот на Ерик Гарсија со Манчестер Сити истекува по крајот од сезоната. Подолго време се шпекулира дека негова следна дестинација ќе биде Барселона.
Но не беше јасно дали каталонскиот клуб ќе се обиде да го ангажира во јануари со тоа што ќе плати некакво обесштетување или ќе го договори како слободен играч за лето.
Последниите информации велат дека Барселона постигнала договор со Ерик Гарсија тој да се пресели на Камп Ноу во летниот преоден рок.
Тој од јануари слободно може да преговара со други клубови, а се вели дека Барселона во текот на следната недела и официјално ќе соопшти дека е договорен ангажманот на Гарсија.