Марио Манџукиќ денеска потпиша за Милан до крајот на сезоната со опција соработката да биде продолжена за уште една година. Откако пристигна официјална потврда за трансферот, најзагреаните навивачи на Јувентус ипратија порака до Хрватот.

„Марионе, секогаш ќе бидеш во нашите срца поради она што го направи, поради твојата пасија, поради специјалниот однос кој го имаше со сите нас. Го сакавме поради борбеноста која ја покажуваше на секој натпревар. Го сакавме поради стравот кој го влеваше кај противниците. Го сакавме поради тоа што одбиваше да се смее и поради ретките моменти кога се смееше. Листата е долга, но ние навистина го сакавме. Но Марионе во следните шест месеци ќе ги носи „црвено-црните“ бои на Милан. Тој е професионалец, сакаше да се врати во Италија по секоја цена, не можеме да го прекориме за тоа, но ќе не боли тоа што ќе го гледаме како противник на теренот, исто како што ќе го боли него што ќе треба да игра против нас. На 34 години, речиси 35 години, вакви работи се случуваат. Па со среќа Марионе, се надеваме дека ќе имаше шест месеци во Италија полни со среќа но без победи и успех. Чао Марионе... Твоите навивачи од Јувентус“ - гласеше постот на Курва суд.

Марио Манџукиќ го прочита постот на Инстаграм и одговори: „Ви благодарам за овие прекрасни зборови... Секогаш ќе бидам горд“.

View this post on Instagram

A post shared by (@curvasudjuventus1897)