Францускиот прволигаш Ница кој во моментов е на 13 место на табелата во Лиг 1 е сериозно заинтересиран за услугите на 28 годишниот фудбалер на Манчестер јунајтед, Џеси Лингард.

Според пишувањата на „Скај Спортс“, Лингард засега не знае дали ќе му биде дозволено да си замине од „Олд Трафорд“ уште овој месец со оглед на фактот што во еден ваков турбулентен период на Островот секој фудбалер е од исклучително значење за било која екипа.

Како и да е, се верува дека претставниците на Лингард веќе воспоставиле првични контакти со Ница околу можноста за Англичанецот да се пресели во таа екипа.

Минатиот месец, договорот на Лингард со „Црвените ѓаволи“ беше автоматски продолжен откако се активираше опцијата за дополнителни 12 месеци, со што фудбалерот сега има договор со важност до идната година.