Категорија: Македонија 13.01.2021 12:38
Шкупи се пофали дека го ангажира Матиј Цветаноски.
„Еден од најдобрите играчи во есенскиот дел од сезоната, Матеј Цветаноски од денеска е фудбалер на нашиот тим, потпиша двегодишен договор“, стои во соопштението на Шкупи.
Во првиот дел од сезоната Цветаноски на 16 натпревари постигна шест гола, а имаше и пет асистенции.
„Многу сум среќен што ќе бидам дел од клуб кој има богата историја и во нашата земја и надвор. Според мене понудата која ми ја дадоа беше најдобра за мојата кариера. Се надевам дека ќе ја освоиме титулата, тука сум да му помогнам на тимот. Сакам да им заблагодарам на сите за добриот пример, веќе знам повеќе од соиграчите и верувам дека брзо ќе се адаптирам“, вели 23-годишниот Цветаноски.