Мурињо смета дека дел од неговите фудбалери немаат сериозен приод кон Лига Европа додека се игра групната фаза од ова натпреварување, тој вели дека истото го искусил и со Манчестер јунајтед со кој дојде до трофејот.

„Имам чувство, од искуство, дека дел од фудбалерите чувствуваат дека не треба да бидат тука“, вели Мурињо.

„Мислам дека е во прашање нивниот однос, тоа сум го искусил и претходно“.

„Во Манчестер јунајтед имав слична ситуација кога загубивме два гостински меча во групната фаза. Кога дојде нокаут фазата и кога игравме со подобри и потешки противници, тогаш тимот имаше друг приод кон мечевите“.

„Факт е дека групната фаза од Лига Европа не ги мотивира дел од фудбалерите. Го знаев тоа“.