Категорија: Лига на Шампиони 03.12.2020 11:12
Во Борусија Дортмунд не се задоволни од начинот на делењето на правдата во синоќешниот меч против Лацио на домашен терен кој заврши со поделба на бодовите и резултат 1-1 во конкуренцијата „Ф“ од Лигата на шампионите.
Шефот на стручниот штаб на „Милионерите“, Лусиен Фавре не се штедеше на зборови во критиките упатени до шпанскиот арбитар Лахоз, а токму во него го впери прстот заради тоа што неговиот тим не дошол до победа.
„Ние ремизиравме само поради судијата кој досуди непостоечки пенал“ изјави Фавре по мечот.
„Секако дека тоа беше симулирање за пенал, изгледаше како да се фрла во базен, ова е неверојатно, не можам да поверувам дека тоа беше пенал“ додаде Швајцарецот.
(пеналот на 0,37)
Во оваа конкуренција по пет одиграни кола во Лигата на шампионите, Борусија Дортмунд со десет бода е прва, следи Лацио со бод помалку, односно Бриж со седум и Зенит со само еден освоен бод досега.