Арсенал го има најлошиот старт на сезоната во последните 39 години, се наоѓа на 14. место со само 13 бодови. Артета на прашањето дали мисли дека наскоро ќе добие отказ, одговори:

„Денот кога решив да бидам тренер знаев дека еден ден ќе добијам отказ и ќе го напуштам клубов“, вели Артета.

„Не знам дали првиот ден откако ќе го потпшам договорот, дали за неколку месеци, години..., никогаш не бев загрижен за тоа“.

„Мојата единствена грижа е да го извадам најдоброто од фудбалерите, да бидам најдобар што можам за клубот и да станувам подобар и подобар“.

„Ќе повторам, знам ова каква професија е, и знам дека еден ден ќе добијам отказ или ќе си заминам, но не знам кога тоа ќе се случи“.

Во недела Арсенал ќе има нова тешка задача, му гостува на Тотнем во големото дерби на Северен Лондон.