Четврти натпревар по ред на „Етихад“ помеѓу Манчестер Сити и Барнли завршува со ист резултат, домаќините слават со 5-0.

Марез го отвори резултатот во 6. минута, а истиот играч зголеми на 2-0 во 22. минута. Пред крајот на првиот дел, Менди реализираше за 3-0.

Во продолжението од мечот, Торес зголеми на 4-0, а само две минути подоцна, Марез забележа хет-трик и ги постави конечните 5-0.

Со овој резултат, Манчестер Сити изедначи постигнување старо 103 години и стана само вториот тим во историјата на англискиот фудбал кој успеал против еден ист противник на четири домашни натпревари во низа да слави со пет или повеќе голови разлика.

Тоа претходно му успеало на Нотс Каунти во пресметките со Порт Вејл во периодот од октомври 1893 до февруари 1907 година.