Категорија: Шпанија 22.11.2020 10:08
Барселона во моментов е на десетото место на табелата, има дури девет бода помалку од Атлетико Мадрид со ист број на одиграни натпревари. Синоќешниот пораз само ја влоши состојбата на Каталонците и ќе има лошо влијание на атмосферата во тимот која ионака е на незадоволително ниво.
Синоќа примија гол во судиското продолжение од првиот дел по една катастрофална грешка на Тер Штеген кој непотребно беше истрчан речиси на половината од теренот.
„Ова е загрижувачки. За голем клуб да прими ваков гол... не може тоа да се случи, беше 47. минута, ние ја имавме топката и тие дадоа гол за 1-0“, вели Куман.
„Ја контролиравме играта, знаевме дека ќе биде тешко да креираме многу шанси. Имавме неколку и ако беше 0-0, мечот ќе беше сосема поинаков“.
„Како и секој тренер, јас ја преземам одговорноста за резултатите на тимот“.
„Разликата на табелата е голема, но има уште многу натпревари за играње“.