Кралевите први поведоа, но не го задржаа водството до крајот на пресметката, па составот на Зинедин Зидан ќе мора да се задоволи со еден бод од ова гостување, се чини дека отсуството на Серхио Рамос си го стори своето.
Категорија: Шпанија 21.11.2020 18:29
Актуелниот бранител на титулата во Шпанија, Реал Мадрид ремизираше на гостувањето кај Виљареал во рамките на 10 коло од Примера, иако фаворитот прв поведе.
Мариано уште во втората минута од мечот ги доведе во водство избраниците на Зинедин Зидан, меѓутоа гостите не успеаа истото да го сочуваат до крајот, па Морено од пенал израмни на 1-1 во 76 минута, а со тоа ги постави и конечните 1-1.
На табелата лидер е Реал Сосиедад со 20 бода, по него следат Виљареал со 19, Атлетико Мадрид и Реал Мадрид со по 17 како дел од водечката четворка.
Вечерва со почеток од 21 часот се игра дербито на колото во Примера помеѓу Атлетико Мадрид и Барселона.