Категорија: Англија 15.09.2020 22:13
Герет Бејл овој преоден рок конечно ќе се збогува со Реал Мадрид, а голема е веројатноста да се врати таму од каде што и пристигна во кралскиот клуб.
Жозе Мурињо е голем фан на Герет Бејл, сакаше да го донесе и кога беше тренер на Реал Мадрид, се чини дека желбата сега ќе му се исполни.
„Герет Бејл го сака Тотнем. Во преговори сме за негов трансфер. Тоа е местото каде што тој сака да оди“, потврди неговиот агент Џонатан Барнет за „Би-Би-Си“.
Се верува дека во преговорите директно ќе биде вклучен и Жозе Мурињо поради неговата добра релација со Флорентино Перез од времето кога работеше на Сантијаго Бернабеу.
Покрај за Бејл, Тотнем е во преговори со Реал Мадрид и за ангажман на левиот бек Регилон.