Категорија: Македонија 20.11.2019 00:46
Со гол на Бобан Николов, Македонија го победи Израел со 1-0 и квалификациите ги заврши на третото место, најдобро досега во историјата на нашата земја.
Но целта на оваа генерација е повисока, Македонија сака да одигра на Европско првенство и тоа може да го направи преку Лигата на нации.
„Третото место е успех, но мислам дека ние заслужуваме да бидеме и втори и директно да одиме на Европското, но тоа е што е. Оваа победа ни дава крилја и самодоверба за мечевите во март. Има време, но едвај чекам да дојдат баражите, живеам за тој ден, сонувам да играме на Европско првенство. Само да сме сите здрави и живи, да немаме проблеми со повреди, секој фудбалер е важен за овој тим“, вели Николов по натпреварот.