Категорија: Италија 14.11.2019 21:24
Данило направи трансфер од редовите на Манчестер Сити во тимот на Јувентус изминатиот летен преоден рок, а Бразилецот тврди дека неговиот сегашен тренер Маурицио Сари е идентичен со Пеп Гвардиола.
Бразилецот околу споредбата тврди дека обајцата се слични во начинот на работа како и во тоа што на своите фудбалери им даваат голема слобода во индивидуалните способности.
„Торино е различен во однос на Манчестер, навивачите се многу понавлечени, ќе ве сопрат на улица постојано, ми се допаѓа сето тоа, тие доаѓаат од сите краеви, премногу се приврзани кон клубот и максимално мотивирани“ вели Данило за „Глобо Еспорте“.
„Веќе го запознавам добро градот и се чувствувам одлично засега, веќе се уверив во спектакуларната кујна, во Манчестер имав само минимални опции по тоа прашање, во Италија, тука е обемно...“ додава 28 годишниот бек, потоа осврнувајќи се на разликите помеѓу Пеп и Сари.
„Во Премиерлигата натпреварите имаат голем интензитет, нема споредби, во Италија пак, повеќе се работи на тактиката и позиционирањето, ве тера да размислувате повеќе на теренот“ вели тој.
„Сари има модерни идеи, сака да има посед на топката на високо ниво во дефанзивната линија, сака посед да имаме постојано, а во однос на сево ова, нема голема разлика за мене, Сари и Гвардиола се многу слични во повеќе аспекти, посебно во нивниот приод кога се работи за тактиката и движењето на теренот“ тврди Данило.
„Тие обајцата доста посветено ги проучуваат противниците и нивните движења, за сето тоа да се направи целосна анализа потребно е да се анализира секоја ситуација, тоа беше екстремно анализирано во Сити, се работеше на секое поле, од друга страна пак, Сари е повеќе еластичен, ви дава повеќе слобода во однос на индивидуалните иницијативи“ заклучи Бразилецот.