Првичните извештаи на докторите на португалската репрезентација велат дека Роналдо заработил исекотина на дел од вкрстените лигаменти на коленото.

Доколку ваквите информации се испостават како точни, тоа значи дека Кристијано Роналдо околу четири до пет месеци ќе биде надвор од фудбалските терени.

Тоа значи дека ќе го пропушти УЕФА Супер Купот, како и неколку воведни натпревари од Примера и од Лигата на шампионите.

Откако се здоби со повредата Роналдо сеуште не посетил болница за да направи детални лекарски прегледи, тој заедно со своите соиграчи го слави историскиот трофеј, Европски шампион.

Се очекува во наредните денови да биде потврдена точната дијагноза на Кристијано Роналдо по што точно ќе се знае за каква повреда се работи и колку ќе паузира.