Категорија: Фото 20.02.2016 19:33
ВБА попладнево загуби на гостувањето кај Рединг во петтото коло од ФА Купот, а по крајот на натпреварот, Крис Брант се упати кон сопствените навивачи да им даде аплауз за поддршката и бодрењето.
Но кога репрезентативецот на Северна Ирска се доближи до трибината, беше погоден со паричка во лицето.
И покрај тоа што заработи мала искетина под окото, Крис Брант остана доследен на својата намера и дресот го даде на еден фан.
„Одев кон навивачите по крајот на натпреварот, и тие мислеа дека е добра идеја да фрлат паричка кон својот играч” – рече Брант во разговор со BBC. „Згрозен сум”.
„Немам никаков проблем доколку сакаат да истапат и да ми кажат дека не се задоволни од нашата игра. Фановите беа фрустрирани, водевме 1-0 а на крајот изгубивме”.
„Потрошија доста пари за да дојдат, но мала група расипа се. Имаше и мали деца”.
„Бев згрозен и засрамен”.